របៀប​ប្រើ​មុខងារ BitLocker ដាក់​លេងខសម្ងាត់​លើ Flash Driveការទុកដាក់ទិន្នន័យ មិន​​ថា​​ឡើយ នៅ​​លើ​​កុំព្យូទ័រ មេម៉ូរី​កាត ឬ USB Flash Drive នោះ​ទេ គឺ​គួរ​តែ ទុក​ដាក់​​អោយ​​បាន​​ត្រឹម​ត្រូវ ដោយ​​ដាក់ លេខ​សម្ងាត់​​លើ​​វា ដើម្បី​ធានា​ថា នៅពេលយើងជ្រុះបាត់ យើង​មិន​សូវ ព្រួយ​​បារម្ភ ខ្លាច​គេ យក​ឯកសារ​ទៅ​មើល ឬ យកទៅប្រើប្រាស់ ក្នុងផ្លូវងងឹតទេ នេះក៏ព្រោះតែ វា​ជាប់​​លេខ​​សម្ងាត់ ហើយ ការដាក់លេខ សម្ងាត់យកល្អ គួរតែដាក់អោយមាន សុវត្ថិភាពខ្ពស់ ដោយមាន លាយ​នូវ​អក្សរតូចធំ និមិត្តសញ្ញា និង លេខ។ នៅថ្ងៃនេះ ក្រុមការងារ ខេមបូរីផត យើងខ្ញុំ សូមបង្ហាញពី របៀប​​ដាក់​​លេខ សម្ងាត់លើ USB Flash Drive ដ៏មានប្រសិទ្ធិភាព ដោយប្រើប្រាស់ មុខងារ​មាន​ស្រាប់​នៅ​លើ Windows 7 ដល់ Windows 10 គឺ BitLocker។

មិនមានអ្វីជាការលំបាកនោះទេ ជាដំបូងបងប្អូន ត្រូវចូលទៅកាន់ កន្លែង Search ដោយវាយពាក្យថា BitLocker ហើយ សូមចុចលើពាក្យមួយ ដូចរូប ដើម្បីចាប់ផ្តើម បើកមុខងារនោះ។

ពេលចុចនៅលើ ផ្នែកខាងស្តាំនោះហើយ វានឹងបង្ហាញដូចរូប តម្រូវអោយលោកអ្នក ចុចលើពាក្យថា Turn On BitLocker។

មកដល់ចំណុចនេះ បងប្អូនត្រូវ វាយបញ្ចូលនូវ លេខសម្ងាត់ ដែលចង់ដាក់ ហើយ បញ្ជាក់ម្តងទៀត ដើម្បី​អោយ​មានសុវត្ថិភាពខ្ពស់​បងប្អូនគួរតែ​ដាក់លេខសម្ងាត់ ដែលមានលាយបញ្ចូលគ្នារវាង លេខ និមិត្តសញ្ញា តួអក្សរតូចធំ ជាដើម រួចចុច Next។

ក្រោយពេលចុច Next រួចហើយ វានឹងផ្តល់ជម្រើសបី អោយអ្នក ដើម្បីរក្សាទុកនូវ File ដើម្បីងាយស្រួល Recovery មកវិញ នៅពេលដែលយើងភ្លេច លេខសម្ងាត់។ សូមចុចត្រង់ Save To File រួច​កំណត់​ទីតាំង​​ដែល​ត្រូវ​ទុកដោយខ្លួនអ្នក។ ដំណើរការចុងក្រោយ បងប្អូនរងចាំ យូរបន្តិច អាស្រ័យទៅតាមទំហំ USB Flash Drive របស់បងប្អូន បើ Flash ចំណុះធំ ដំណើរការកាន់តែយូរ ។

ដូច្នេះ សម្រាប់ប្រិយមិត្ត ដែលចង់ធ្វើការដាក់ លេខសម្ងាត់អោយ USB Flash Drive ដោយមិនចាំ​បាច់​ប្រើ​ប្រាស់កម្មវិធី អ្វីនោះ អាចរីករាយ ប្រើមុខងារ មានស្រាប់ជាប់ Windows 8 ដ៏មានប្រសិទ្ធិភាព គឺ BitLocker នេះឯង។