គន្លឹះដោះស្រាយបញ្ហា Blue Screen – [Windows 8]
Blue Screen of Death មានគ្រប់ជំនាន់សម្រាប់សែស្រឡាយ Windows មិនថា Windows 2000, XP, 7 ឬក៏ Windows 8 នោះទេ ។ លោកអ្នកមួយចំនួនបានច្រឡំថា Blue Screen គឺជាបញ្ហា (Error) ប៉ុន្តែតាមពិត Blue Screen គឺជាមុខងារមួយសម្រាប់ជួយការពារ កុំឲ្យ System Fail ដែលមុខងារនេះមានភ្ជាប់មកជាមួយនូវ Code របស់ Error ដើម្បីប្រាប់ដល់អ្នកប្រើប្រាស់អំពីបញ្ហាទាំងនោះ ។
ជាមួយ សំបុកអាយធី ថ្ងៃនេះ លោកអ្នកនឹងអាចកំណត់មុខសញ្ញារបស់ Error និងយល់ដឹងនូវវិធីងាយៗក្នុងការ Fix ពួកវា ដូចតទៅ៖
ស្វែងយល់អំពីឬសគល់នៃបញ្ហា
Error Code
ព័ត៌មានសំខាន់បំផុតដែលអាចជួយដោះស្រាយបញ្ហា Blue Screen នេះបានគឺ Error Code ។ Code នេះ នឹងជួយដល់លោកអ្នកក្នុងការស្គាល់ពីមូលហេតុដែលបង្កឡើង ហើយនិងរបៀបក្នុងការដោះស្រាយផងដែរ ។ ដូចនេះ កុំភ្លេចកត់ចំណាំវាទុក នាពេលដែលមាន blue screen បង្ហាញឡើង ។
នៅពេលដែលលោកអ្នក មាន error code ពី blue screen នោះ លោកអ្នកគ្រាន់តែចូលទៅកាន់ search engine ដូចជា Google ឬ Bing និងបញ្ចូលនូវ error code នោះ រួចចុច Enter ។ លោកអ្នកនឹងទទួលបានព័ត៌មានជាច្រើនសម្រាប់ធ្វើការ fix នូវ error ដែលបង្កជា blue screen នោះជាមិនខាន ។
ប្រសិនបើលោកអ្នកមិនបានកត់ចំណាំ ឬមើលមិនទាន់ ឬខកខានដោយប្រការយ៉ាងណានោះ សូមកុំបារម្ភ Windows បានបង្កើត Memory Dump Files ដែលមានព័ត៌មានអំពី Blue Screen នេះ តែថា វាមានភាពពិបាកក្នុងការមើលព័ត៌មាននោះ តាមរយៈឧករណ៍របស់ Windows ដូចនេះ លោកអ្នកអាចប្រើប្រាស់កម្មវិធី NirSoft’s BlueScreenView ជំនួសវិញ ដែលក្នុងនេះ “Bug Check String” គឺជា Error Code នោះតែម្ដង ។
លោកអ្នកក៏អាចធ្វើការ configure ឲ្យ Windows បង្កើត error dumps សម្រាប់នៅពេលដែលមាន blue screens កើតឡើងក៏បាន ប្រសិនបើ Windows មិនបាន configue ដោយស្វ័យប្រវត្តិ ។ ដើម្បីធ្វើដូចនេះបាន លោកអ្នកនឹងត្រូវបើក Control Panel > System > Advanced system settings និងបន្ទាប់មកចុចប៊ូតុង Settings នៅត្រង់កន្លែង Startup and Recovery។ នៅត្រង់ Write Debugging Information សូមជ្រើសរើសយក Automatic Memory Dumps ជាការស្រេច ។
Action Center
ជាប្រភពព័ត៌មានមួយ ដែលលោកអ្នកអាចស្វែងរកព័ត៌មានអំពីបញ្ហារបស់ Blue Screen និង Application Crashes បាន ។ លោកអ្នកអាចស្វែងរក Action Center តាមរយៈ Task Bar ផ្នែកខាងស្ដាំខាងក្រោម ក្បែរនាឡិកា ឬចូលទៅរកក្នុង Control Panel ក៏បាន ។
Windows Event Viewer
សម្រាប់បញ្ហា Application Crashes ធម្មតា លោកអ្នកអាចចូលទៅកាន់ Windows Event Viewer មើល Log បាន ។ សូមចុច Win+X និងជ្រើសយក Event Viewer ជាការស្រេច ។
ដំណោះស្រាយបញ្ហា
ប្រសិនបើលោកអ្នកមិនអាចធ្វើការស្វែងរកព័ត៌មានអ្វី ដែលទាក់ទងនឹងបញ្ហារបស់លោកអ្នក តាមរយៈ searching online បានទេនោះ លោកអ្នកអាចព្យាយាមសាកល្បងវិធីទូទៅ រួមមានដូចខាងក្រោមនេះ៖
Update Drivers
Blue Screen អាចបណ្ដាលមកពី Hardware Driver ដូចជាក្នុងករណី Windows 8 ទើបនឹងចេញ ហើយលោកអ្នកបានដំឡើង Driver Version ចាស់ (សម្រាប់ Windows 7) ដាក់ក្នុងនោះ ជាដើម ។ សូមព្យាយាមតាមដាន និងស្វែងរក Driver ជំនាន់ចុងក្រោយបំផុត សម្រាប់ Hardware របស់លោកអ្នក ។ ការ Updates នេះ អាចជួយ fix នូវ Crashes និងបញ្ហាដទៃទៀតជាមួយនឹងដំណើរការរបស់ Hardware ក្នុង OS ។
Uninstall via Safe Mode
Blue Screen អាចនឹងកើតមានដោយសារបញ្ហា Hardware Drivers ឬក៏ software ខ្លះ ក៏មាន ។ លោកអ្នកនឹងត្រូវ boot ចូលទៅកាន់ Safe Mode និងធ្វើការ uninstall នូវ Driver ឬក៏ Software Package ដែលលោកអ្នកបានដំឡើងថ្មីៗនោះ ។ ដើម្បីចូលទៅកាន់ Safe Mode ពីក្នុង Windows សូមអនុវត្តតាមជំហានៗខាងក្រោម ៖
- សូមចុច Win + i ដើម្បីបង្ហាញ Sidebar Menu
- បន្ទាប់មកសូមចុចលើ Power button
- បន្ទាប់មក សូមចុច SHIFT ឲ្យជាប់ និងចុចព្រមគ្នានៅលើ Restart ។
បន្តមកទៀត លោកអ្នកនឹងចូលទៅដល់ផ្ទាំង Choose an option ដូចខាងក្រោម សូមចុចលើ Troubleshoot > Advanced options > Startup Settings
បន្ទាប់មក សូមចុចប៊ូតុង Restart ។
បន្ទាប់មកទៀត សូមជ្រើសយក Enable Safe Mode ដោយចុច key លេខ 4 ឬក៏ F4ក៏បាន ។
ចំណាំ ៖ ប្រសិនបើលោកអ្នកត្រូវការប្រើប្រាស់ internet សូមជ្រើសរើសយក Safe Mode with Networking។
ពេលនោះ លោកអ្នកនឹងបានចូលមកដល់ Safe Mode ដោយជោគជ័យ ។
System Restore
មុខងារ System Restore នេះ នឹងជួយលោកអ្នកក្នុងការត្រលប់ទៅកាន់ស្ថានភាពពីមុនរបស់លោកអ្នកវិញ ដោយផ្អែកលើ Restore Point ដែលបានកំណត់ពីមុន ឬបង្កើតស្រាប់ដោយស្វ័យប្រវត្តិ ។ System Restore នឹងមិនលុបឯកសារផ្សេងៗរបស់លោកអ្នកនោះទេ ដោយគ្រាន់តែមានការផ្លាស់ប្ដូរ System Files ខ្លះ ប៉ុណ្ណោះ ។
- Scan for Virus/Malware
ការដាក់ Scan នូវមេរោគ ឬ Malware ក៏អាចនឹងទទួលបានផលដែរ។ ជំនួសឲ្យការ Scan ក្នុង Windows លោកអ្នកអាចប្រើប្រាស់ bootable antivirus tool ដូចជា BitDefender Rescue CD or an avast! Rescue Disk ដែលនឹងធ្វើការ Scan នៅពេល startup ដែលនឹងមានប្រសិទ្ធភាពជាងមុន ។
Refresh
ប្រសិនបើលោកអ្្នកនៅតែមិនអាចធ្វើការដោះស្រាយបញ្ហាបានសោះទេនោះ Windows 8 មានជម្រើសចុងក្រោយសម្រាប់លោកអ្នក ក្នុងការសម្អាត system យ៉ាងលឿន រហ័ស និងងាយស្រួល ។ ការ Refresh មិនមានការប៉ះពាល់ទៅដល់ Files របស់លោកអ្នកនោះទេ ប៉ុន្តែនឹងផ្ដល់ជូនមកវិញនូវ Fresh Operating System ។
បញ្ហា Hardware Failure និងការណែនាំ
Blue Screens ក៏អាចបណ្ដាលមកពីការដំណើរការខុសប្រក្រតីរបស់ Hardware ផងដែរ ឧទាហរណ៍ ដូចជា RAM ដំណើរការមិនស្រួល (Faulty), CPU ក្ដៅហួសកម្រិត (overheating), ឬក៏ផ្នែកផ្សេងៗទៀតដែលស្ថិតនៅក្នុងម៉ាស៊ីនមានបញ្ហា ជាដើម។ក្នុងករណីនេះ លោកអ្នកប្រហែលជាមិនអាចធ្វើការ Fix ទៅតាមវិធីសាស្រ្តខាងលើបាននោះទេ ប៉ុន្តែគឺលោកអ្នកនឹងត្រូវផ្លាស់ប្ដូរនូវបណ្ដុំគ្រឿងដែលខូចនោះតែម្ដង ។
ប្រសិនបើកុំព្យូទ័ររបស់លោកអ្នកស្ថិតនៅក្នុងការធានា (Warranty) នៅឡើយ សូមធ្វើការទាក់ទងទៅកាន់ក្រុមហ៊ុន ឬហាងលក់ ឲ្យបានឆាប់រហ័ស។ ពួកគេ អាចនឹងស្នើរដល់លោកអ្នកក្នុងការ refresh ឬក៏ដំឡើង Windows ឡើងវិញ មុនពេលពួកគេចាប់ផ្ដើមគិតគូររឿងប្ដូរគ្រឿងបន្លាស់។
សំបុកអាយធី សង្ឃឹមថា គន្លឹះទាំងអស់ខាងលើ នឹងអាចជួយដល់លោកអ្នកក្នុងការ fix មិនត្រឹមតែ blue screen នោះទេ ប៉ុន្តែគឺបញ្ហាផ្សេងៗទៀត ដែលលោកអ្នកបាន និងនឹងជួបប្រទះ ដូចនេះ កុំភ្លេចចុច LIKE 
No comments:
Post a Comment